ನೆನಪುಗಳ ಉಗಿಬಂಡಿ
ನನ್ನ ಬಾಲ್ಯದ ಬೇಸಿಗೆಯ ಸೂಟಿ
ನೆನಪು ತಂದಿತು ರೈಲಿನ ಸೀಟಿ
ನೆನಪು ತಂದಿತು ರೈಲಿನ ಸೀಟಿ
ಅಜ್ಜಿಯಮನೆಗೆ ಹೋಗುವ ಆತುರ
ರಾತ್ರಿ ಇಡೀ ರೈಲಿನ ಪ್ರಯಾಣದ ಕಾತುರ
ಬಟ್ಟೆ ಬರೆ ಸೂಟಕೇಸು ವಾರದಿಂದಲೇ ತಯ್ಯಾರಿ
ಚಾದರು ಬೆಡ್ಶೀಟು ಅಂತ ಹಿಂದಿನದಿನದ ತರಾತುರಿ
ರೈಲಿನ ಊಟಕ್ಕೆ ನಾವು ಹಾಕುತ್ತಾ ಹೊಂಚು
ಅಮ್ಮನ ಬುತ್ತಿ ಝುಣಕ ಚಪಾತಿಗೆ ಕಾದಿತು ಹಂಚು
ಅಪ್ಪ ನೀರಿನ ಬಾಟಲಿ ಬಾಳಿಎಲಿ ನ್ಯೂಸ್ಪಪೆರ್ ಕಟ್ಟಿ
ಕೇಳಿದರು ಅಮ್ಮನ ಅದಯೇನು ಚಟ್ನಿ ಕಟಿ ರೊಟ್ಟಿ
ನಡೆದೆವು ಹಿಡಿದು ಎಲ್ಲರು ಒಂದೊಂದು ಚೀಲ
ಅವಳು ಕೊಡಲು ನಮ್ಮ ಕೈಗೆ ಬುತ್ತಿಯ ಗಂಟು
ಛಲ್ತಿ ತುಳಕಸ್ತಿ ಅಂತ ಬಿಡಲು ಮುಸುರಿಯ ನಂಟು
ರೈಲಿನಲಿ ಒಂದೇ ಕಿಟಕಿಯ ಸೀಟು ಪಾಲು ಬಂದ್ರೆ
ಆ ಕಿಟಕಿಯ ಸೀಟಿನಲ್ಲಿ ಯಾರು ಮೊದಲು ಅಂದ್ರೆ
ನ್ಯಾಯ ಮಾಡಿ ನಿರ್ಧಾರ ಮಾಡಿದ ತಂದೆ
ಕಾಲು ಕೆರ್ಕೊಂಡು ಜಗಳವಾಡಲು ನಾ ಮುಂದೆ
ಬಿಸ್ಕೆಟ್ಟಿನ ಬಿಸಿಬಿಸಿ ಬೋಂಡಾ ಭಜಿಯ ಜಾತ್ರೆ
ಮನೆಯಿಂದ ತಂದ ಖಾಲಿ ಫಾಸ್ಕಿನಲ್ಲಿ ಚಹಾ ತರಲು ಅಪ್ಪ ಹೊಂಟ್ರೆ
ಲಗೂನೆ ಬರ್ರಿ ಟ್ರೈನ್ ಹೊಂಡೂದ್ರಾಗೆ ಅಂತ ಅಮ್ಮ ಕೂಗುಹಾಕಿ
ಅಪ್ಪ ಎಲ್ಲಿ ಅಂತ ನಾ ಕಿಟಕಿಯ ಕಡೆ ಕಣ್ಣು ಮಾಡಿ ಕೈಹೊರಹಾಕಿ
ಟ್ರೈನ್ ಬಿಡ್ತು ಅಪ್ಪ ಬರ್ಲಿಲ್ಲ ನಾನು ಜೋರಾಗಿ ಕೂಗಿ
ಇಲ್ಲೇ ಇರ್ತಾರೆ ಬಾಗಿಲು ಹತ್ರ ವದರಬೇಡ ನೋಡು ಬಾಗಿ
ನಮ್ಮ ಬುತ್ತಿ ಗಂಟು ತೆಗೀತು ಚಪಾತಿ ಚಟ್ನಿ ಮಸರು ಎಲಿಮ್ಯಾಲೆ ಹರೀತು
ಬಾಜು ಕೂತಿದ್ದವರ ರೈಲ್ವೆ ಕ್ಯಾಂಟೀನ್ ಬಿಸಿಬಿಸಿ ದೋಸಾ ಇಡ್ಲಿ ಘಮಘಮಿಸಿತು
ಆಗಿನ ಪುಟ್ಟ ಪುಟ್ಟ ಆಸೆಗಳ ನೆನಪು ಟ್ರೈನಿನ ಡಬ್ಬಿಯಿಂದ ಡಬ್ಬಿಗೆ ಅಡ್ಡಾಡಿದಂತೆ
ಎಲ್ಲರನ್ನು ಮಾತಾಡಿಸುತ್ತಾ ಎಷ್ಟು ದೂರ ಬಂದಿವಿ ಅನ್ನುವ ಅರಿವಿಲ್ಲದಂತೆ
ಮರುದಿನ ಅಜ್ಜಿಯ ಮನೆಯಲ್ಲಿ ದೊಡ್ಡಸ್ತಿಕೆ ತೋರಿಸಿಕೊಳ್ಳಲು ಅಪ್ಪರ್ ಬರ್ತ್
ಅಂತಸ್ತೋ ದರ್ಜೆಯೋ ಮಜಲೊ ಬರ್ತ್ ನ ಕಾಗುಣಿತ ತಿಳಿಯದೆ ಹೋಯ್ತ್
ಆ ಝರ್ರನೆ ತಿರ್ಗೋ ಫ್ಯಾನ ನೋಡ್ತಾ ಮಲಗಿದಷ್ಟೇ ನೆನಪು ಟೀ ಟೀ ಕೋಫಿ ಕೋಫಿ ಅನ್ನೋ ಘಂಟಿ
ಏನೋ ರುಚಿ ಆ ಛಾದಾಗ ನಾವು ಏಳೋದ್ರಗೆ ಅಮ್ಮ ಅಪ್ಪ ಕೂತಿದ್ರು ಮುಗಿಸಿ ಒಂದೊಂದುಟೀ
ಏಳ್ರಿ ಏಳ್ರಿ ಬಂತು ಊರು ಮುಖ ತೊಳ್ಕೋರಿ ಛಾ ಕುಡೀರಿ ಅಂತ ಅಮ್ಮನ ಕಿರಿಕಿರಿ
ಅಂತಸ್ತಿನ ಮೇಲೆ ಮಲಗಿ ಕೆಳಗಿಳಿದಾಗ ಚಪ್ಪಲಿ ಹುಡುಕಿ ಕೊನೆಗೆ ಯಾವುದೊ ಜೋಡು ಹಾಕಿ
ಮುಖ ತೊಳೆದ ಛಾ ಕುಡಿದ ಪ್ರಯಾಣದ ಅನುಭವ ಒಂದು ನೆನಪಿನ ಸಿರಿ
ಕಾಮೆಂಟ್‌ಗಳು